Thapki kone Bihaan mondo oyie owinje to Bihaan chungone mana gari kendo ywaye katere, kasto kone dere mondo otere nyaka ka Pandey Nivas. Bihaan wuok... we ka Thapki chunye ramo nikech Bihaan ne ok omiye thuolo mondo owach pache... kowachoni ne ochungi opiko nikech ngimane gimar Bihaan ne ni kama rach kendo ok onyal bet to ohinyore, to kata kabedni owito yie mare, nyaka oyude kendo nimar heragi oknyal kethre kamano.

Balu kano bunde e ot to Vasu kwere ni ok onego okan gi kanyo, en gimarach... Balu dwokeni onge richo mago mag ritruok... oparo lek mare kasto owachoni bundego inyalo nek godo. Thapki korka chopo dala kendo Dhruv romone gi maua.

uwa. Dhruv dwokeni kaka iye medo wang'ne e kaka owinjo ka herane medore kuome, tobe onge ng'ama boyie kode nimar ranyisi onge. Obwogo Thapki gi vidio mar Bihaan ka mbuko ng'ato konyise ni kik omii oor vidiono e mbui,, adier man kende enni machiegni odhii ndikore ayanga ni "Druv weds Thapki, Thapki weds Dhruv" kasto oketo maua kuome. Vasu chopo jukogi kendo penjogi gima dhii nyime kendo gibwok mokalo.

Thapki omo ni fulo to oweyo koparo weche Dhruv. Dhruv kawo thuolono kendo nyiso Vasu ni ne giyiero maua mar duso ot, ma be ok opar ka nitiere richo kendo openjo Thapki ni donge tong' gimany mar rose., Dhruv wuok, Thapki dong' ka ywak.

Thapki ndikoni "mos Bihaan, aheri ahinya" e gigo duto mane ogoro. Dhruv biro kendo holo e pii kangiseni mano kik chande kata Bihaan bende dine ohologi mana pii.

Dhruv terone Shraddha barupe mag werruok (divorce papers), konyiso godo Shraddha ni ohikore mar chule pesa moro amora modwaro monde koyud Thapki... weche go weyo Shraddha kod bwok mokalo. Shraddha yiecho otesego kawachoni koporeni keny e kind Thapki gi Bihaan ok nyal diko wii Dhruv to koro chune ni oneg Thapki, en mano wach ma ok onyal yie. Dadima somo kendo Vasu dhi kwaye katong' riwre kode, ma ofulonee Vasu ni chunye ok ni mokwee, koro ber koyieyo e tiende Yesu kata bam mingi... ofulone Dadima kibaji machande kendo Dadima kweyo chunye gi somo mane osomo.

Shraddha holo chumbi e pii kasto opuke e dier ot but kitanda Thapki, kasto ochiko waya kowuok e sitima mowachoni kawuono to nyaka Thapki thoo. Sano, Dhruv bende gochone jalos picha konyise ni mondo pichane gi Thapki oket maduong' nimar mano ema dhii bedo michne mar arus. Oneno ka otese mag werruok oyiecho kendo owuok gi reti kodhii rango Thapki, kochich ni Shraddha nyalo timone tim juok.

Thapki dhii e rumni kendo oneno ka Shraddha yawo sitima p, kopenje to dwokeni odwa nege kawuono, odhii obed aneda piny. Thapki neno kaka pii opukore but otanda kendo openjo Shraddha kabe wiye ler, ma Shraddha kwer yie ni wiye olokore. Ofulone Thapki ni ojaa ga konyo Dhruv e chenroge. Kanyono be ema Dhruv donjoe kendo jiwo ni mano kare, Shraddha emoseko jiwo dogruok ne gi thapki kendo ok ochune kaka kofwenyo adier kata ooyo. Thapki penjo ni manyiso ni Shraddha nowuonde kane onyise ni enbe odwaro chuore.

Dhruv nyise ni "an mari ne awuonde ma atiyo kode". Shraddha wachoni "oromo! Koro ok abi mielo miend, anego Thapki chuth". Odhiro Thapki to Dhruv geng'e kendo nego sitima kasto kone ni odhii kode. Shraddha to oramo ni dwa tang'one gi nekone. Kare dichuo be gimalit kaweyo tineno makata ok ihere. Omako Thapki odiyo e kitanda kodeyo ng'ute kendo chuno Dhruv, wuoyi mabe chao bolo, mondo orire kendo ogwen Shraddha oko, kosieme ni kohinyo Thapki to enbe onege.

Shraddha kone mondo onege, mano tong' bed maber moloyo. Preeti biro kanyo kendo wee mana ni leko kuom gigo moneno, ilaro chii ng'ato gi chuor ng'ato. Okokne Shraddha ni kare odwa nego Thapki kendo, "janek mang'ula, nyaka wafuli e nyim anyuolani". Okawo Thapki odhii godo. Dhruv dong' ka padore gi Shraddha kopenjre ni be oneno kaka koro omiyore wach matek, ere kaka ene okonyre.

Shraddha ywak ka kwaye ng'wono... pache ni olal, to koro Preeti dhii fule kendo idhii riembe chuth, to Dhruv ema nyaka koro konye. Dhruv wacho kaka koriembe to gima berie mokalo nimar Thapki dhii bedo mare chuth. Kanyono ema Shraddha nyisee ni oleko, koriembe to ok odhii kende, ofulo timbe Dhruv tee.. koro kik opar ni obiro kendo Thapki; oyiere odav kode kata wiye owil gi Thapki chuth ber girisit. Dhruv penje ni koro otemo bwoge to odwoke ni "ooyo! An adwaro kony mari, ne atimo gicha e ichwang' ok abi nwoyo kendo, to inbe kik wiyi wil gi kony duto ma asega miyi, koro kadimo to adimo kodi; par mano malong'o". Shraddha wuok weye.

Preeti lwongo jii duto kendo ofulo ni Shraddha ne dwa nego Thapki kendo olero sinema duto moneno e rum Thapki. Gibwok mokalo kendo Vasu penjo Thapki kabe wachno en adier. Shraddha sieko kanyo kendo girake gi dhawo ma Bihaan kende dhawne miweni dwa mwonye koro. Shraddha tamore ni en onge gimane otimo. Vasu penje ni koro otemo wachoni, Preeti riambo; onge ng'ano mabiro yiere kode kata. Kar dhogeno, Dhruv sieko kanyo kendo wacho ni oyiere gi chiege ma Shraddha no, mang'eny.

Preeti penjo Dhruv ni mago ang'o mowachono to ne en kacha. Dhruv dwokeni bedone kanyono emomiyo ochung' kar tiende ni mago miriambo, Shraddha ne ok otemo nego Thapki to ng'at moro ma ok ong'ere. Okone Shraddha mondo oler, Shraddha wachone ni en ne odhii nego olwenda e rum Thapki, kendo emane owachoe ni "abiro nego.." koro nikech Preeti ne ok owinjo olwenda, en ne okawo ni "abiro nego Thapki". Thapki bende yiegodo kendo wachno rumo kamano. Kendo gigoyone Shraddha mos kuom dhawne.

Suman gi Sanjay Dhruv chal ma opwonjore yiere gi Shraddha kuom kaka Bihaan oyiere gi Thapki kagileroni Bihaan emoyierega gi Thapki matek kamano. Bihaan wuok kanyo. Thapki nyiso Shraddha ni opande to obed kong'eyo ni adier ok pandre nyaka chieng'. Dhruv nyiso Shraddha ni oyae wich rach, nono to obiro nege tikli ma owito e mtaro. Owuok kendo Shraddha dong' kawachoni ene gi nee ni ere ng'ama dhii konyo ng'ano to ere ng'ama idhii wee kucha.

Shraddha dhii e rum Thapki kendo umo dhoge... Thapki goyo nduru... Shraddha gone mos ni obiro modeko Dhruv ne pok onindo. Thapki dwokone erokmano kuom timo duto monyalo e konyo herane gi Bihaan.

Share On: