Written by: Senior Kiongos
Dhruv gi Bihaan bedo ebwo modi ka gimako tonde, ka Bihaan to nikod kibaji kendo owachoni otimo mano to chunye ok oyie godo. Dhruv koneni to kama gi sechopeno ok onyal dok chien en orit ka Thapki ochopo to oywa tol osore gi iye, Thapli osegochne ni eyo biro. Bihaa chunye chandoe kendo olamo ni tim motimono kik keth yie mar Thapki kuome. Dhruv to bwonjo kong'eyoni en ema Thapki biro konye. Itang'o rapar ka Dhruv ogochone Shraddha kendo onyise ni odwa soye e yi agulu motang'one, sama Shraddha to nee paroni Thapki kata Bihaan emidhii soye. Osoyo Shraddha e yi agulu kasto oyombe pii. Rapar rumo.
Thapki ringo manyo Bihaan. Dhruv gochone kendo penje ni dak oring okony Bihaan. Thapki koneni ne ong'eyo ni ok onyal loko kite. Dhruv bende dimbe ni "ok anyal lokora, pod an mana Dhruv ni cha". Thapki penje kama Bihaan nitiere to odwoke ni omanye. Odhii nyime konyiseni Bihaan kod en ne opango mondo otem yie mare kendo gichung'ie e dier modi ariyo mang'us, ma kawang' Thapki okayo chopo to dhilwar kuomgi kendo hinyo gi; okone Thapki ni kochopo to okonye githuon. Thapki dwoke ni ochung malo owe leko obo layo e otanda, "an adhii konyo Bihaan". Orone Thapki video mar Shraddha kendo Thapki neno ka ngima Shraddha ni e kind akuru g'asumbi.
Thapki dhawne gimomiyo ohinyo chiege, komedoneni odwa gore piny kogunia moyaa malo. Dhruv bende koneni oyier ka odhii konyo Bihaan gi herane koso en koso Shraddha... odhii nyime kowachoni ka Thapki okonye to idhii lorne Shraddha pii, kasto ong'ado sime. Thapki ringo dhii kendo oyudo ka en adier Bihaan gi Dhruv ochung e dier modi. Ochako paro weche Dhruv kod kama Shraddha nitiere. Oywayo tol kendo ludhego lwar kuomgi, oringo odhii odhiro Dhruv ma ochwe olwore kuome gino mawe Bihaan gibwok ahinya, ma ochwe owuog kanyo. Dhruv orone ote kendo pii mane chuer kuom Shraddha iloro, kasto obwonjo.
Dhruv kone Thapki ni Bihaan koro oweye chuth. Thapki ywagore kawachoni mano oknyal timre. Dhruv ledhone kaka wiye owil gi Bihaan nimar chunye koro oseko ng'injo matindo tindo giweche mojaga ketegodo kendo koro mano e kaka heragi orumo. Thapki dwoke ni kik opar ni Bihaan chal kode, Bihaan oyiere e heragi moloyo. Dhruv ore ni kare odhii omany wa dwoko ir Bihaan, ok obii yude tok higni. Wechego weyo Thapki gi bwok. Owuok gi ng'wech ko kok gi nying Bihaan koringo manye. Dhruv to dong' kawachoni koro onge ng'ama nyalo chungo heragi gi Thapki, Thapkii koro mare chuth.
Vasu manyo Shraddha mapiny oling' mana tii. Balu nene kendo penje gimomanyo malich kamano. Odwokeni Shraddha, to Balu gome ni ot machon modhiyeno Shraddha oknyal bede. Shraddha to pod oriere e pii. Bihaan wuotho e ndara kaywak kendo oparore e weche Dhruv.
Pach Shraddha dwogo kendo ochako penjore kakane ochopo kanyo. Oparo kakane Dhruv onyiseni dhii soye e pii, kasto ochako goo koko kodwaro kony. Dhruv ringo dhii mako bade kanyise obed mos. Shraddha penje ni "ere kaka nidwa nega". Dhruv dwoke ni "mana kamaye" kasto weyo lwete. Okwaye mondo okonye kendo Dhruv ywaye magole e pii kokwaye ng'wono ni ne ok odwar nege, ne otiyo mana kode mondo oyud ngimane ma Thapki, tokendo kawuono oyude. Wachno bwogo Shraddha mokalo.
Thapki biro dala kendo openjo Vasu kabe onenone Bihaan, ma dwokeni ne oseduogo, kaachiel gi Dhruv. Dadima lwongogi mondo gitiek lamo. Suman kone Thapki mondo ochorre. Sano Bihaan to ng'iye ang'iya. Dhruv bende powre gi Shraddha.
Thapki bwok koneno kaka Shraddha chal. Vasu bende penje kamane odhiye ka Dadima be dwa ng'eyo mathoth gimomiyo ong'ich. Dhruv dwokoni ne ogore piny e koth oko kasto oro Shraddha mondo odhii olok lewni kapok ng'ich onege. Jadolo telone jokapandeyi e tieko lamo, kendo Thapki diedo aguche kasto mulo tie Bihaan kaka odware. Lamo rumo kendo jii mor kodgi ahinya.
Vasu kone Thapki mondo obedgi nema mar rito osiep kaka orito mareno. Thapki pako Bihaan kaka hawe omiye chuny wuoyi marite moloyo kendo jiwe pile ka pile, onyise ni ne ok ogwedhe saa lamo koro odwani ogwedhe sano,, okulore mondo omul tiend Bihaan to Bihaan sorore chien.
Bihaan nyiseni sano oonge gimoro amora monyalo miyo Thapki kochakore e gweth, hera, kata nyinge. Kendo wechego bwoge mokalo. Dhruv ne rangogi kendo mor aduwa. Bihaan dhii nyime gi nyise ni en ne obiro otieko lamo nikech anyuolane ok nikech Thapki kata heragi. Thapki koneni owee wuoyo kamano. Bihaan chorore gichien kakone ni owek wuoyo to ne okonyo Dhruv makare ranyisi ni ogeno osiep maloyo hera, kendo chal mane okawe kanono. Thapki koneni ok kamano, to Bihaan penje gimomiyo ne okonyo Dhruv, osiepne.
Thapk dwokeni Dhruv ok en osiepne nimar oketogi goro ok gidwarre. Bihaan dwokeni Dhruv emokonye kendo osenyise adier tee to Thapki nyise ni mago miriambo okia mana kaka tong' olerne. Omiye barup Dhruv mondo osom dipoo ka oyiere kode. Bihaan rango baruano. Dhruv paro gik mane ondiko e barua. Thapki penjo Bihaan ni donge koro oyie. Bihan penje ni oyie nade to otas onge gimondikie... wachno bwogo Thapki mokalo, Dhruv to bwonjo.
Thapki wachoni baruano ne ondiki. Dhruv nyise ni kalam mane otiyo godo e ndiko oting'o wino malamre marum, koro obed kong'eyo ni mano e kaka herane boo rumo. Thapki bwok mokalo kendo ywak malich. Bihaan miyo Thapki ndalo ariyo mondo oful adier nono to obiro fulo... Dhruv to mor mokalo... Thapki paro weche Bihaan go kendo omboro ywak matek.
583 views
